Facebook може да плати 5 милиони долари бидејќи дозволва тринаесет годишни малолетници да креираат профил на Facebook и можат да корситат кредитни картички без дозвола од родителите.
Глинис Боханон преку своите правни застапници, компанијата Plaintiff, на 8 март поднесе тужба против друштвената мрежа во која е наведено дека во Калифорнија не е легално лица помлади од 18 години да користат кредитни или дебитни картички без дозвола од старателите и поради ова, однесувањето на компанијата не е во согласност со законот за заштита на потрошувачите. Како што вообичаено се случува, адвокатската канцеларија Plaintiff се понудила да ги претставува и сите останати лица кои се чувстуваат оштетени поради ова, а целокупната оштета која треба да им се исплати на тужителите е проценета на 5.000.000 долари.
За најголем дел од парите извадени со „нелегалното“ користење на картичките г-ѓа. Боханон се сомнева дека се потрошени на игрите на друштвената мрежа. Оваа вест ги погоди и фановите на друштвените игри на Facebook кои во своите коментари или потенцираат дека родителите треба да внимаваат што прават нивните деца со кредитната картичка или ги обвинуваат тужителите дека секогаш можат да излажат дека не дале дозвола за користење на картичките. Подржувачите на тужбата пак тврдат дека без цврсти докази за согласност за трансфер на пари Facebook не смее да наплаќа на малолетници, а ги напаѓаат и за зачувување на податоците од користените картички поради што малолетниците уште полесно може да купуваат Facebook „кредити“.
Сепак може да очекуваме Facebook да се спогоди со тужителите со цел да го одбегне негативниот публицитет ако случајот не заврши пред нивното излегувањето на берза.
The post Тужба од 5 милиони долари за Facebook бидејќи дозволува малолетници да користат кредитни картички appeared first on IT.mk.
